自由式定蛙式先學?游泳四式難度比較|胸泳同捷泳分別(小朋友同成人適用)

- 自由式(捷泳)最快,蛙式(胸泳)最省力、抬頭換氣最有安全感。
- 小朋友多數先學浮身、打腿、自由式基礎,再學蛙式腳。
- 成人多數先學蛙式,再學自由式。
- 四式難度:自由式易入門、背泳換氣最易、蛙式最考配合、蝶泳最難。
家長成日問:「小朋友應該先學自由式定蛙式?」成人學員又會問:「我想學識游水,應該揀邊個泳式?」答案視乎年齡、怕唔怕水同學游水嘅目的。以下係傲洋教練團隊嘅比較同建議。
游泳四式比較表
| 泳式 | 又叫 | 手腳動作 | 換氣 | 速度 | 入門難度 |
|---|---|---|---|---|---|
| 自由式 | 捷泳、爬泳 | 雙手交替划、雙腳上下打水 | 轉頭側面換氣 | 最快 | 中(換氣要練) |
| 蛙式 | 胸泳 | 手腳對稱,收、翻、蹬、滑 | 抬頭向前換氣 | 最慢 | 中(手腳時間配合) |
| 背泳 | 仰泳 | 仰臥,雙手交替、雙腳打水 | 面向上,隨時呼吸 | 中 | 較易(要適應方向) |
| 蝶泳 | 海豚式 | 雙手同時、海豚腳 | 抬頭向前 | 快 | 最難 |
胸泳同捷泳有咩分別?
胸泳(蛙式):手同腳都係對稱動作。雙手向外向後划,同時抬頭吸氣;雙腳收埋、腳掌向外翻、向後蹬,之後身體伸直滑行。節奏係「划手吸氣、蹬腳滑行」。
捷泳(自由式):身體俯臥,雙手輪流向前伸入水再向後推,雙腳由髖部發力上下打水,轉頭喺側面換氣。
美國大師游泳協會(USMS)講自由式換氣時強調身體轉動:
Body rotation ensures that the mouth is free for breathing.
(中譯:身體轉動,令口有空間出水換氣。)
U.S. Masters Swimming《Swimming 101: The Stroke Basics》
即係話,自由式唔係「抬頭」換氣,而係轉身帶動個頭側向一邊。好多初學者自由式游幾下就攰,原因正正係抬頭,令下半身沉低。
小朋友應該先學邊個?
傲洋兒童班嘅一般次序:
| 階段 | 學乜 |
|---|---|
| 水感 | 吹泡泡、浸頭、俯浮、仰浮 |
| 打腿 | 扶浮板自由式打腿、滑行 |
| 自由式入門 | 划手、簡單換氣 |
| 蛙式 | 蛙式腳、手腳配合 |
| 四式 | 加入背泳、蝶泳 |
點解多數先學自由式打腿?因為上下打腿動作直覺,細小朋友容易掌握;蛙式腳要向外翻腳掌再蹬,對 3-5 歲小朋友嘅協調要求較高。不過每個小朋友唔同,有啲天生蛙式腳好,教練會靈活調整。

成人應該先學邊個?
大部分成人先學蛙式,原因有三:
- 抬頭換氣:可以望住前面,心理上有安全感,特別適合怕水人士。
- 省力:每划一次有滑行時間,游長距離唔易攰。
- 實用:喺泳池或者海邊都可以慢慢游、隨時停低。
學識蛙式之後,再學自由式提升速度同運動量。成人點樣由零開始,可以睇成人學游泳要幾耐。
游泳四式難度排名
| 排名(易至難) | 泳式 | 難點 |
|---|---|---|
| 1 | 背泳 | 方向感、唔好坐低 |
| 2 | 自由式 | 側面換氣、身體轉動 |
| 3 | 蛙式 | 手腳時間配合、翻腳掌 |
| 4 | 蝶泳 | 核心力量、海豚腳節奏 |
以上係傲洋教練團隊嘅一般觀察,個別學員會有唔同感受。
學自由式 5 步
- 俯浮滑行:蹬池邊,雙手伸直,面向池底滑出去。
- 打腿:扶浮板,腳由髖部發力,膝頭微曲,唔好踩單車。
- 吐氣:面落水時用鼻或口慢慢吐氣,唔好閉氣(詳見游泳呼吸技巧)。
- 單手划:一隻手扶浮板,另一隻手划,配合轉頭換氣。
- 完整配合:雙手交替,每 2 或 3 划換一次氣。
想學齊四式?
傲洋兒童班 Lv.1-Lv.6 由水感教到四式,每 4 堂評核;成人班由蛙式開始,再學自由式同背泳;想參加比賽可以升泳隊預備班。
WhatsApp 98368452 話我哋知學員年齡同而家識游咩泳式,教練會建議由邊級開始。
FAQ



