專業教練話你知!幫助小朋友長高的四大元素!

給我們一個評論及支持
[總分: 1 平均: 5]

踏入2023年,疫情亦到左尾聲。大人同小朋友都困係屋企到好耐,尼3年都郁少左,肚腩仔係咪都大左呢?好消息就係,依家好多體育館、游泳池和運動場都重新啟用。相信唔少家長都急不及待地,想帶自己的小朋友去運動場做運動,又或者想即刻跳落泳池同小朋友一齊暢泳。其實做運動或者游水,除左可以鍛鍊強健嘅體魄之外,仲可以幫助青少年同小朋友長高。跟住落黎就由傲洋游泳會資深教練(Ocean Sir)以4大元素,用最簡單易明的切入點,話你知,點樣把握發育嘅黃金期以最大的程度上,幫助自己或小朋友長高!

1.營養方面

首先,第一點就係營養方面。根據近年的研究顯示,自從工業革命後和二戰過後,因為經濟變好的關係,人們的生活質素和飲食都被以前大大提升,因此世界各地的人們平均身高都有所提升。特別係日本,以前日本被稱為「倭國」是因為他們平均身高都非常矮小。出現這現象的原因係歷代日本皇帝信奉佛教,推崇食齋文化,更立法禁止殺生。因此造成了日本人營養不良,身高也變得越來越來矮。但近年來因為日本的經濟復甦,同埋對均衡飲食的正確認知。日本係尼短短數十年間,平均身高都上升了不少。同鄰國:包括中國、韓國等亞洲地區的國家人民身高睇齊。專家指出,蛋白質係對人類生長最重要的營養素之一。因此多菜少肉,尼個觀念係不太正確的。我們要吸收足夠的三大營養素,包括碳水化合物、蛋白質和脂肪。特別係蛋白質方面。家長應該為子女提供優質的蛋白質食物,包括魚、雞肉、牛肉、蛋、豆腐、豆類、豆漿和牛奶等。

2.微量元素

第二點,便是微量元素的吸收。除左上述所講的均衡飲食和吸收充足的蛋白質外,微量元素的攝取都係同樣重要。但其實長高所需要的營養素非常多,一共需要31種營養元素 而在這31種營養物質中,礦物質類營養一共需要九種,這九種元素分別為鈣、鉀、鐵、硒、鈉、磷、鎂、錳、鋅。,缺一不可。好消息係尼絕大部份元素,都可以從日常的飲食中所攝取。但特別要注意的是維他命D的吸收。而尼個是相對簡單的,只需每日曬10-20分鐘太陽便足夠。家長可以帶小朋友參與戶外活動。例如游水、田徑和體適能這些運動。這樣便能吸收維他命D,同時間培養小朋友的運動習慣,令佢地身心都會得到健康發展。

3.生長激素

第三點,生長激素分泌。生長激素的分泌算係長高的一個最重要因素。適當的運動量、營養均衡的飲食和規律的作息時間。這三大因素,對促進生長激素分泌是非常重要的。運動也會有助於緩解壓力,同時促進大腦產生快樂腦內啡、血清素,可以幫助身體調節睡眠。專家指出,小朋友和青少年的生長高峰期係深度睡眠的時候。深層睡眠時,大腦皮層處於休息狀態,身體最為放鬆,心跳變慢,呼吸更有規律,血壓以及體溫都會下降,腦電波也越來越慢。身體經歷一整天的疲勞後,在這個時候就能得到修復和休息。而生長激素,便是這個時候分泌得最旺盛的時期,大約係白天的5-7倍。而生長激素分泌的黃金時間係晚上10 點至凌晨2 點。因此,專家建議小朋友係晚上9:30前入睡。那麼怎樣才能讓小朋友和青少年培養一個良好的作息時間呢?答案同樣都係以運動和曬太陽為主。日間進行適量的運動和曬太陽,運動為身體帶來的疲勞感加上曬太陽,能促使大腦的松果體能夠正常順利的分泌褪黑激素,讓人體獲得深度睡眠。令夜間的睡眠更有質量。

4.運動習慣

第四點,運動習慣。培養兒童及青少年運動習慣,便是從根本解決以上問題。運動能大大消耗身體熱量。當身體失去熱量時,便會想攝取更多的營養。小朋友運動後,便會更積極地進食,以補充充足的營養素。同時,運動對生長激素的刺激是最大的。運動強度越高,就能刺激越多生長激素。運動後,生長板會受到刺激,這種刺激導致鈣吸收更強,進而有助於骨骼發育。特別係小朋友和青少年係戶外運動,多曬太陽。特別有利於鈣吸收和骨骼增長。專家指出,全身性伸展運動和適當地鍛鍊肌肉的運動,有助兒童和青少年長高。例如游泳、體操和單槓等。係度,我同各位家長同青少年極力推薦一項運動,就係游水。無論係泳池,定泳灘游水都好,都可以吸收到充足的陽光,同時間游水除左係可以伸展到全身嘅肌肉外,亦可以同時鍛練全身嘅肌肉。算係CP值最高的運動之一 !

總結

雖然基因限制左我哋70%,但我地仲有30%係可以透過後天努力去改變的。只要我地記住以上四大長高元素。就唔洗輕易向命運妥協,掌握自己的人生道路!各位家長,各位青少年。我地要為左自己,同埋自己的小朋友作出改變,一齊努力!以上小知識,係由傲洋游泳會資深教練(Ocean Sir)為大家分享。歡迎大人同小朋友體驗下我地游泳及田徑課程,一齊加入我地泳會嘅大家庭。 

發佈留言

發佈留言必須填寫的電子郵件地址不會公開。 必填欄位標示為 *