【三日就學識踩水?😱】3大絕招教你如何3日就學識踩水。

給我們一個評論及支持
[總分: 0 平均: 0]

話咁快就到新年,小朋友食多咗過年食品,有冇趁呢個好幾回做吓運動呢?當你喺屋企瞓緊覺嘅時候,其他小朋友喺度做乜嘢?係時候準備帶小朋友玩下水兼鍛鍊一下!藉呢個機會同大家分享下,無論大人小朋友聽到都怕怕——唔游水都可以水中呼吸嘅踩水大法~咩話?竟然有人學咗幾年游水都唔識踩水?快啲要入嚟睇吓呢個post,恭喜大家!相信大家睇完呢個post之後無論學游泳班定係跟泳會學,又或者自己練習都一定已經有基本嘅踩水姿勢及基礎。事不宜遲馬上Let‘s go!

第一個絕招:

閉氣大法

當然先要了解水中浮到嘅原理,原理係吹氣水泡會浮,放氣水泡會沉,基於呢個原理只需吸一口氣,兼且記得閉氣,之後將全身放鬆晒,已經可以輕易浮起。原來係因為人嘅密度係比水輕,再加上我哋嘅肺活量可以吸入大量空氣令到密度遠遠輕於水。咁樣我哋就能夠好有效咁浮喺水面。識閉氣就學游水都唔怕啦。

速成班學習閉氣第1步:

在水中平躺訓平閉氣,初次練習可以每次5秒鐘其後每次增加5秒直至當你做到20秒就已經成功啦。重複練習,直至身體能夠完全放鬆浮起。

速成班學習閉氣第2步:

在深水池中直立閉氣,當然可以扶住牆壁邊緣,如果有游泳教練在旁邊則更佳,如果冇游泳教練嘅你記得唔好離開池邊太遠,原理就好似企喺水度咁樣,記得保持冷靜唔好亂郁,咁樣先可以練到閉氣㗎。

 

 

 

第二個絕招:

Byebye手(搖櫓手)

踩水聽落去係咪以為只用雙腳呢?其實雙手都好重要,不單替雙腳分擔之餘,更可自由控制身體方向。個竅門好簡單,就係用雙手同池底講bye bye~即係雙臂伸直,雙手(手指緊合)快速劃向橫數目‘8’字,掌握後手掌同前臂製造上升力已可上水呼吸,仲可以360度將身體轉向。當然最主要記得係用手腕同前臂發力。

速成學習“搖櫓手”第一步:

既然我哋要用手腕同前臂發力最適合嘅動作就好似係say byebye咁樣,而我哋最主要做呢樣動作嘅方向係要向水底做。一開始我哋單手可以扶住牆邊單手放在大髀向水底做搖櫓手動作。然後直至產生動力能夠感受到身體有上升跡象。

 

速成學習“搖櫓手”第二步:

當你學識咗第一步呢個時候就要配合埋閉氣動作一齊做啦,呢個時候你可以在深水池貼近牆壁位置,進行搖櫓手嘅進階版。顧名思義進階版就梗係唔係學游水咁簡單啦!唔知大家有冇喺游泳班入邊學過呢?你哋嘅游泳教練又係點樣教你哋呢?有冇教你哋搖櫓手呢?簡單而言個動作就係配合埋兩邊手同時間做Say byebye嘅動作,而雙臂靠住大髀距離大約20 cm,當你感受到隻手有重量呢個時候就係你產生到動力嘅時候。而呢個動力係只係靠你前臂同手腕發力,當我哋可以做到產生動力嘅時候我哋就可以進入第三個環節了。

速成學習“搖櫓手”第三步:

恭喜你進入第三步,呢個時候就要運用搖櫓手可以幫你帶嚟嘅動力進行轉圈,即係360度原地轉呀!原來只要我哋手腕有些少微調產生嘅動作施力嘅方向就會唔同,當你成功嘅時候再試吓向上微調,就可以做到換氣啦。恭喜晒你已經學識咗踩水嘅70%啊!

第三個絕招:

蛙腳踩水

踩水當然唔少得雙腳,點踩原來有蹺妙~

身體先保持垂直,雙腳以蛙式向下踩,蛙式即雙腿收起,腳掌向外反,用力向下踩,腳掌要感受到水壓,形成牛頓第三定律即水阻推進力,配合埋雙手個人就輕易上水面唞氣喇。千祈唔好覺得蛙腳好難學,因為呢蛙腳係四式入邊相對上容易㗎喇。而且蛙腿係四式入邊動力最強。四種泳式同時比較下,平均一下蛙腿嘅動力係自由泳腿及背泳腿的四倍動力。

速成學習蛙腿step one:

首先將我哋個人瞓平浮起,做呢個動作呢切記心浮氣躁千祈唔可以心急,第一個步驟係W腳,跟住就係伸直隻腳即係V腳,最後一步就係合腳即係I腳,呢個時候你就要練好浮起pat pat,臀部。記住三個步驟W、V、I。仲有一樣好重要嘅嘢,千祈唔好唔記得每一次完成蛙腳之後都要停留數2秒。當你重複幾次你就會發覺扶住場邊嘅時候得心應手,俾個小秘訣大家啦!記住做W V I動作嘅時候動作要連貫㗎!千祈唔好好似機械人咁呀,如果真係唔明個動作點做,就記得搵返個專業嘅游泳教練教你啦!又或者可以參加游泳班市面上都有好多不同大小嘅游泳班當然人數比例越少越好啦!

速成學習蛙腿step two:

當你或許掌握到基本技巧嘅時候,你就要知道每一下滑翔動作要好遠,即係咩意思呢?就好似飛機降落咁樣每一下做完蛙式腿之後,夾腳果下要滑翔好遠。阿Sir阿Sir咁點先做到啊?你要知道控制好力量每一下就可以去得好遠,蹬腿用10分力,夾腿用9分力。你會覺得有咩特別啊?其實好多人做呢個做得唔好係因為佢哋蹬腿用10分力,夾腿用3分力,甚至乎係唔用力令到滑翔動作基本係零。完完全全浪費咗一下整體的蛙腿動作。所以大家記得啦原來蹬腿同夾腿一樣都要用力做返好過流線型動作。咁樣你哋每一下就可以去得好遠啦!同時間喺踩水嘅角度,你哋亦都會可以好輕鬆好容易做到個動力出嚟!

當你做好蛙腿動作之後呢,就係訓平做蛙腳轉為垂直做蛙腳,當你慢慢掌握到嘅時候你就會發覺可以將呼吸同埋閉氣,再加上搖櫓手結合成為踩水。加油啊你已經經過文字了解咗啦,但係千祈唔好覺得自己文字了解咗就已經係學識咗,必須要透過實踐理解理論三樣嘢都要共同進行先可以學得識㗎!仲有如果係初學游水嘅,你記得搵一個伴,呢個伴可以係游泳教練屋企人或者係朋友都得㗎!如果真係好想學好游水或者踩水建議各位朋友可以尋找專業嘅游泳班。有專業教練就當然唔同晒啦!市面上好多坊間唔同大小嘅游泳班,傲洋游泳會嘅教練都幾好架!值得了解一下。

有咗呢個踩水懶人包,以後無論同朋友仔去船P或者join其他興趣班同游泳班都唔驚喇~仲唔快啲帶埋你啲朋友仔去學游水?千祈唔好諗住淨係學識踩水就出海啊!因為踩水只能夠在原地浮住,而且會一直消耗體力,所以喺你哋出海之前唔好諗住睇完小編嘅懶人包就已經練武成功,呢個時候建議你哋去想下游泳班又或者出去搵游水教練學游水,等佢哋再比一啲專業建議你你先好去出海面試啊!老土啲都要講句必須注意安全,小心,玩得開心。

發佈留言

發佈留言必須填寫的電子郵件地址不會公開。 必填欄位標示為 *

放寬防疫措施通告

康文署現時正為轄下的公眾游泳池進行池水過濾及消毒程序,並會抽取池水樣本進行化驗,以確保池水清潔衞生、保障泳客安全。康文署38個公眾游泳池會由五月十二日至十六日陸續重新開放。

本會正籌備復課事宜,最快都需待公聚泳池開後一星期左右,有進一步消息會跟各家長聯絡,感謝各家長一直以來的支持,小朋友很快可以再次上泳班了。

4/5/2022

WhatsApp chat