2020年游泳班你問我答!Q and A time!

2020年Q and A!你問我答!嚟到呢度代表你對游泳班已經非常感到有興趣,快啲約佢嘅孩子成為身心強健嘅少年軍!

1.大概幾耐學得識Panel Title

A:每一個小朋友嘅吸收能力同領悟能力都唔同,所以答唔到家長一個確定嘅時間。我地課程中教練會以專業的各種教學法,例如蒙特梭利教學法去提升小孩係課堂嘅參與,從而逐步提升對學習的興趣,甚至乎學術方面成就也能提升。

2.小朋友咁細個學會唔會危險?

A:絕對唔會嘅!其實有小朋友18個月嘅時候已經可以開始學習游泳。安全問題家長亦都絕對可以放心,本會教練經過長時間及專業嘅訓練,教學流程注重安全為首。視乎情況亦會為比較年幼嘅學生佩戴浮具,加上人數比例上我哋主張一對三至五。而程度較弱或年紀較細的小朋友會一對二至四。加上我哋教練定期進行內部培訓,固定一個月一次。

3.惡劣天氣安排會係點?

A: 若天文台發出8號或以上熱帶氣旋警告、黑或紅色暴雨警告課堂將會取消。若有室内的游泳池,紅色黄色暴雨警告課堂將會繼續,8號風球或以上生效前兩小時之游泳班停課,取消後兩小時之游泳班如常上課。因天氣惡劣停課不會另外安排補堂。請家長注意啊﹗

4.係咪keep住學都係同一個教練

A:不一定,除咗想減低小朋友嘅依賴性之外我哋仲會有分低、中、高組別嘅泳班。不同嘅教練負責不同嘅組別嘅泳班,除咗小朋友不停嘅練習學習提升佢哋游泳技巧嘅時候就會晉升另一個組別嘅機會。所以係不一定會固定同一個教練(除非家長報的係私人班)

5.游水點解會對哮喘有幫助?

A:其實不同嘅帶氧運動亦都會對哮喘有幫助,游泳之所以被認為是較適合哮喘兒童進行的運動項目。因為係游泳時姿態及呼吸技巧等都有助增加支氣管的血流,較進行其他運動時哮喘發作的機率為低。哮喘兒童既然可望透過游泳控制甚至扭轉病情,保暖係防止誘發哮喘症狀其中一個重要嘅要素。

6.點樣可以快啲學識?

A: 一分耕耘一分收穫,一星期入面上既堂數愈多,自然學習成效就會愈快。其實除咗喺上堂的時候練習係唔足夠㗎,仲要家長嘅配合督促小朋友返到屋企有照住教練落堂比嘅時候嘅練習返到屋企自己去做,例如開合跳、俯臥撐同一些陸上伸展活動再配合埋拉筋增加身體柔軟度自然會加快學習嘅成效。教練會大約隔週就提供練習比學生返屋企加強練習。

7.家長可唔可以一齊落水?

A:家長可以落水但其實我哋教練係絕對唔建議,,正如平時小朋友返幼稚園嘅時候家長都唔會陪同係隔離。游泳班亦都一樣!希望家長可以放心交小朋友俾我哋嘅教練,家長落水嘅話會令到小朋友嘅專注力下降同埋增加左佢哋對家長依賴性。

8.冬天應該停學一排?

A:在教練角度上面係絕對唔建議冬天嘅時候停學,循着幾個方面。第一係冬天嘅時候游泳池已經有暖水,第二亦都可以增強小朋友嘅抵抗力令到佢哋冇咁容易病。第三增加小朋友嘅抗壓能力,從而令到佢哋做任何事都不輕易放棄亦都增加佢哋嘅自理能力。教練亦曾經見過好多例子,學生已接近學識游自由式,當暫停左冬天上課後,下年暑假重新上課則還原基本步。係我地作為教練最無奈的時刻。

9.點解唔收現金同支票?

A:因為過往收支票都有彈票嘅情況下出現,令到泳會及其他教練蒙受損失。而事後亦都難以追尋。現金方面,因教練的工作環境難以對現金作紀錄,而過去五年營運經驗當中,也結算了多次損失。現時電子支付已經發展成熟,有ATM轉帳/PAYME/轉數快FPS/VISA/MASTER。所以請大家多多包涵啊!

10.如果需要請假補堂點樣做?

A:請假請聯絡本會秘書,另外如需請假補堂必須至少1天前請假及盡早安排於本期內補堂。因所有補堂必須在當期內完成。

11.一期兩個月的課程只有兩次補堂?

A:因為本會要求小朋友上課嘅出席率係大概75%,報名一星期上一堂嘅學生,會限定為每期兩堂。當然我哋希望家長唔好請太多次假,等小朋友可以養成恆常固定地上堂,增加佢哋學習嘅成效,而一星期上兩堂嘅同學可以有四次補堂。每期最多為四堂。

A:因為本會要求小朋友上課嘅出席率係大概75%,報名一星期上一堂嘅學生,會限定為每期兩堂。當然我哋希望家長唔好請太多次假,等小朋友可以養成恆常固定地上堂,增加佢哋學習嘅成效,而一星期上兩堂嘅同學可以有四次補堂。每期最多為四堂。